CEO i shkëmbimit të kriptomonedhave FTX, Sam Bankman-Fried, i cili kishte një pasuri prej 16 miliardë dollarë në fillim të kësaj jave, e pa pasurinë e tij të shkatërruar me 94% në 1 miliard dollarë të martën.
Kjo shënon rënien më të madhe të pasurisë që ka përjetuar ndonjëherë një miliarder brenda një dite, sipas Bloomberg.
Të martën, CEO 30-vjeçar njoftoi se FTX po i shitet rivalit Binance për të lehtësuar një krizë të rëndë likuiditeti.
Humbjet e papritura të kësaj përmase janë të zakonshme në mesin e njerëzve më të pasur në botë, por kurrë më parë një miliarder nuk ka humbur një përqindje kaq të madhe të pasurisë së tij brenda një dite, sipas Insajderit.
Themeluesi i Meta Mark Zuckerberg humbi 29 miliardë dollarë më 3 shkurt, por pasuria e tij neto vlerësohej ende në 84.3 miliardë dollarë atë ditë.
Në nëntor 2021, CEO i Tesla Elon Musk humbi 50 miliardë dollarë në dy ditë kur pyeti përdoruesit e Twitter nëse duhet të shesë 10% të aksioneve të tij në prodhuesin e tij të automjeteve – por ai mbeti njeriu më i pasur në botë deri në fund të javës.
Po kështu, themeluesi i Amazon, Jeff Bezos, ruajti pozicionin e tij si personi i dytë më i pasur në botë në vitin 2019, pavarësisht se pasuria e tij ra me 36 miliardë dollarë brenda natës, kur hoqi dorë nga 25% e aksioneve në Amazon për të zgjidhur divorcin me ish-gruan e tij Mackenzie Scott.
Një miliarder që iu afrua rekordit të Bankman-Fried është tregtari Bill Hwang, i cili në mars 2021 humbi të gjithë pasurinë e tij prej 20 miliardë dollarësh në dy ditë pasi firma e tij Archegos Capital Management dështoi në kreditë e saj.
Humbjet e Bankman-Fried vijnë pas një rrëzimi katastrofik të kriptomonedhës prej 600 miliardë dollarësh këtë vit. Changpeng Zhao, themeluesi i Binance – shkëmbimi i kriptomonedhave që po blen FTX – humbi 79.4 miliardë dollarë nga pasuria e tij këtë vit si rezultat i kolapsit, sipas Bloomberg.
Shiko Videon:
